Лукашэнка назваў адкрыццё Міжнароднага выставачнага цэнтра новай старонкай летапісу Беларусі

Са з'яўленнем Міжнароднага выставачнага цэнтра ў Мінску адкрываецца новая старонка летапісу суверэннай Беларусі. Пра гэта Аляксандр Лукашэнка заявіў 8 мая на ўрачыстай цырымоніі адкрыцця цэнтра, паведамляе БЕЛТА.

"Мы адкрываем новую старонку летапісу нашай суверэннай Беларусі. Мы гэты цуд назвалі Мінскім міжнародным выставачным цэнтрам", - заявіў кіраўнік дзяржавы падчас цырымоніі, на якую былі запрошаны прадстаўнікі грамадскасці сталіцы, кампаніі-забудоўшчыка і будаўнічых арганізацый, якія прымалі ўдзел ва ўзвядзенні аб'екта.

Будаўніцтва МВЦ у Мінску пачалося ў 2022 годзе і ажыццяўлялася ў рамках рэалізацыі інвестпраекта па ўзвядзенні шматфункцыянальнага комплексу "Паўночны бераг", разлічанага на 2021-2040 гады. Інвестарам выступае прыватная кампанія з ААЭ "Рыверсайд дэвелапмент холдынгз лімітэд".

Агульная плошча цэнтра - 37 тыс. кв.м, у тым ліку выставачныя залы, канферэнц-залы і развітая інфраструктура.

Пры будаўніцтве МВЦ былі вылучаны два пускавыя комплексы. Першы прыняты ў эксплуатацыю ў снежні 2024 года (дзве выставачныя залы, цэнтральная галерэя, кангрэс-зала, медыяфасад, добраўпарадкаванне, інжынерныя сеткі, тэхнічныя і гаспадарчыя памяшканні). Пры рэалізацыі другога пускавога комплексу выконваецца чыставая аддзелка памяшканняў, мантаж мультымедыйнага абсталявання і інжынерных сістэм.