Лукашэнка: Ніякіх кланаў у ахове здароўя не будзе і быць не павінна

Ніякіх кланаў у ахове здароўя не будзе і быць не павінна, заявіў Прэзідэнт Беларусі Аляксандр Лукашэнка міністру аховы здароўя Аляксандру Хаджаеву, піша БЕЛТА.

"Што датычыцца аховы здароўя, нараканняў - куча. Але Вы ведаеце, чаму нараканні гэтыя ідуць. Вы (новы віцэ-прэм'ер Уладзімір Каранік, які раней узначальваў Міністэрства аховы здароўя - заўв. БЕЛТА) там дапаможаце яму разабрацца. Бачыце, не той чалавек прыйшоў. Разумееце, не з той "кодлы". Не будзе ніякіх там кланаў у ахове здароўя. Не будзе. Таму дзейнічайце. Калі Вы будзеце павольна разгортвацца, вас будуць таптаць і аб Вас выціраць ногі. І ні ён, ні я Вам не дапаможам і дапамагаць не будзем, калі Вы не зможаце абараніць сябе і сваіх непасрэдных падначаленых", - сказаў кіраўнік дзяржавы.

"Таму дзейнічайце. Вы прызначаны Прэзідэнтам, і ніхто не мае права ў вас камяні кідаць", - падкрэсліў беларускі лідар.