Лукашэнка павіншаваў беларусаў са Святам працы

Прэзідэнт Беларусі Аляксандр Лукашэнка павіншаваў суайчыннікаў са Святам працы. Аб гэтым паведамляе БЕЛТА са спасылкай на прэс-службу кіраўніка дзяржавы.

"Пакладзеная ў аснову жыцця беларускага народа мірная і стваральная праца з'яўляецца ўніверсальным рэцэптам дабрабыту і згоды. Толькі з апорай на ўласныя сілы і таленты мы пабудавалі незалежную і паспяховую дзяржаву. У год 80-годдзя Вялікай Перамогі з асаблівай цеплынёй і ўдзячнасцю звяртаемся да ветэранаў вайны і працаўнікоў тылу, да ўсіх, хто аднаўляў краіну з руін. Дзякуючы вашым гераізму і самаахвярнасці сёння мы будуем канкурэнтную эканоміку, умацоўваем палітычную стабільнасць, у міры і гармоніі перадаём набыты вопыт маладому пакаленню", - гаворыцца ў віншаванні.

Аляксандр Лукашэнка падкрэсліў, што поспехі ва ўсіх сферах - ад прамысловасці і адукацыі да сельскай гаспадаркі і медыцыны - гэта вынік штодзённых намаганняў і адданасці сваёй справе кожнага беларуса.

"Шчыра ўдзячны вам за ўклад у працвітанне нашай Айчыны. Жадаю ўсім дабрабыту. Няхай жыццё будзе напоўнена натхненнем і новымі здзяйсненнямі", - выказаў пажаданні Прэзідэнт.