Лукашэнка павіншаваў калектыў Еўразійскага нацыянальнага ўніверсітэта імя Гумілёва з 30-годдзем

Прэзідэнт Беларусі Аляксандр Лукашэнка павіншаваў калектыў Еўразійскага нацыянальнага ўніверсітэта імя Л. Н. Гумілёва з 30-й гадавінай з дня заснавання навучальнай установы, паведамляе БЕЛТА са спасылкай на прэс-службу беларускага лідара.

"Ваш універсітэт па праве з'яўляецца адным з вядучых адукацыйных і навуковых цэнтраў Рэспублікі Казахстан. Дзякуючы цеснаму акадэмічнаму ўзаемадзеянню рэалізуюцца сумесныя праекты і ініцыятывы, рыхтуюцца спецыялісты новага пакалення, пашыраюцца гуманітарныя сувязі, - гаворыцца ў віншаванні. - Усё гэта спрыяе далейшаму развіццю адзінай навукова-адукацыйнай прасторы Беларусі і Казахстана, умацаванню супрацоўніцтва паміж нашымі краінамі".

Кіраўнік дзяржавы пажадаў калектыву ўніверсітэта моцнага здароўя, невычэрпнай энергіі і поспехаў у рэалізацыі вызначаных мэт і планаў.