Лукашэнка павіншаваў кіраўніка Азербайджана і жыхароў краіны з Днём незалежнасці

Прэзідэнт Беларусі Аляксандр Лукашэнка павіншаваў лідара Азербайджана Ільхама Аліева і ўсіх жыхароў гэтай краіны з Днём незалежнасці. Пра гэта паведамляе БЕЛТА.

"Дзякуючы Вашым стваральным намаганням Азербайджан сёння па праве ганарыцца эканомікай, якая дынамічна расце, няўхільным павышэннем узроўню жыцця грамадзян, важкімі дасягненнямі на міжнароднай арэне", - гаворыцца ў віншаванні.

"Нашы рэгулярныя кантакты, сістэмнае ўзаемадзеянне ўрадаў, парламентаў і рэгіёнаў служаць гарантыяй далейшага ўмацавання стратэгічнага партнёрства паміж Мінскам і Баку, што адпавядае інтарэсам дзвюх дзяржаў", - падкрэсліў Аляксандр Лукашэнка. Прэзідэнт выказаў упэўненасць, што беларуска-азербайджанскае супрацоўніцтва прадоўжыць актыўна развівацца на аснове традыцый сяброўства і паразумення.

Кіраўнік дзяржавы пажадаў Прэзідэнту Азербайджана і яго сям'і здароўя і дабрабыту, а ўсім азербайджанцам - згоды і росквіту.