Лукашэнка павіншаваў народ Нарвегіі з Днём Канстытуцыі

Прэзідэнт Беларусі Аляксандр Лукашэнка ад імя суайчыннікаў і сябе асабіста павіншаваў народ Нарвегіі з Днём Канстытуцыі. Аб гэтым паведамляе БЕЛТА са спасылкай на прэс-службу беларускага лідара.

"Гэты асноўны дакумент як у вашай краіне, так і ў Беларусі мае глыбокія гістарычныя і прававыя карані, з'яўляецца тым фундаментам, які аб'ядноўвае нашу культурную, рэлігійную і нацыянальную разнастайнасць у адзінае цэлае", - гаворыцца ў віншаванні.

Кіраўнік дзяржавы выказаў надзею, што сапраўдны росквіт у развіцці беларуска-нарвежскага партнёрства яшчэ наперадзе. "Упэўнены, нягледзячы на штучныя бар'еры, беспадстаўна створаныя сучаснымі палітыкамі, мы знойдзем магчымасць вярнуцца да паўнацэннага дыялогу на карысць абедзвюх дзяржаў, - падкрэсліў Прэзідэнт. - Рэспубліка Беларусь гатова да аднаўлення канструктыўнага супрацоўніцтва з Каралеўствам Нарвегія ва ўсіх сферах узаемнага інтарэсу".

Аляксандр Лукашэнка пажадаў народу Нарвегіі шчасця, згоды і дабрабыту.