Лукашэнка павіншаваў народнага артыста РСФСР Васіля Ліванава з юбілеем

Прэзідэнт Беларусі Аляксандр Лукашэнка павіншаваў народнага артыста РСФСР Васіля Ліванава з 90-годдзем. Пра гэта паведамляе БЕЛТА са спасылкай на прэс-службу беларускага лідара.

"Вашы шматгранны талент, непаўторная індывідуальнасць і выключнае майстэрства пераўвасаблення пакарылі сэрцы шматлікіх прыхільнікаў. Беларускія гледачы розных пакаленняў ведаюць і шчыра любяць створаныя Вамі вобразы харызматычных кінагерояў і мультыплікацыйных персанажаў", - гаворыцца ў віншаванні.

Кіраўнік дзяржавы выказаў упэўненасць, што творчасць народнага артыста доўгія гады будзе яркай з'явай у культурным жыцці братэрскіх народаў.

Аляксандр Лукашэнка пажадаў Васілю Ліванаву моцнага здароўя, невычэрпнай энергіі, поспехаў і дабрабыту.