Лукашэнка павіншаваў юнакоў і дзяўчат краіны з Днём моладзі і студэнцтва

Прэзідэнт Беларусі Аляксандр Лукашэнка павіншаваў юнакоў і дзяўчат краіны з Днём моладзі і студэнцтва. Аб гэтым паведамляе БЕЛТА са спасылкай на прэс-службу беларускага лідара.

"Маладосць - гэта асаблівы час. Час першых сур'ёзных рашэнняў і выбару жыццёвага шляху, калі мары пра будучыя перамогі і поспехі ўвасабляюцца ў жаданні несці карысць Айчыне, ствараць у імя міру і згоды на роднай зямлі", - адзначыў кіраўнік дзяржавы.

Прэзідэнт таксама падкрэсліў: "Дзе б вы ні знайшлі прымяненне сваім талентам - ведайце, што толькі добрасумленная праца кожнага з вас забяспечыць развіццё і працвітанне Беларусі. Глядзіце ў свет смела і ўпэўнена. Аддавайце перавагу энергіі творчасці і новых ідэй перад пракладзенымі дарогамі. Вам вызначаць стратэгію нашага агульнага заўтра".

У гэты святочны дзень Аляксандр Лукашэнка пажадаў усім яркіх перамог і здзяйсненняў. "Няхай збываюцца самыя запаветныя мары", - адзначыў кіраўнік дзяржавы.