Лукашэнка правёў сустрэчу са спецпасланнікам прэзідэнта ЗША Кітам Келагам

Прэзідэнт Беларусі Аляксандр Лукашэнка сустрэўся са спецыяльным пасланнікам прэзідэнта ЗША па Украіне Кітам Келагам. Пра гэта паведаміла БЕЛТА, спасылаючыся на прэс-службу кіраўніка дзяржавы.

Размова прайшла ў Палацы Незалежнасці з удзелам членаў дэлегацый.

На парадку дня перамоў былі міжнародная праблематыка і ў цэлым сітуацыя ў свеце, рэгіянальная тэматыка і беларуска-амерыканскія адносіны.

"Шуму Вы нарабілі ў свеце вельмі шмат сваім прыездам. Але я здзіўляюся, чаму. Хіба мы не можам весці нармальны дыялог і размаўляць наконт нашых спраў - пра адносіны паміж Беларуссю і Злучанымі Штатамі Амерыкі", - адзначыў кіраўнік дзяржавы.

"Вельмі рады, спадар генерал, сустрэцца з Вамі. Я вельмі спадзяюся, што наша размова будзе вельмі шчырай, адкрытай. У адваротным выпадку чаго сустракацца? Калі мудраваць, хітрыць адзін перад адным, мы выніку не даб ‘емся", - падкрэсліў беларускі лідар.

У сваю чаргу Кіт Келаг падзякаваў за гасціннасць і сустрэчу. "Мы жывём у вельмі небяспечны час, калі тыя крызісы, з якімі мы сутыкаемся, могуць рэзка эскаліраваць, разрастацца, калі мы не будзем мудрымі і справядлівымі", - сказаў ён.

У адказ на гэта Аляксандр Лукашэнка падкрэсліў: "Спадар генерал, я Вам абяцаю, што Вы будзеце ў поўнай бяспецы на тэрыторыі Беларусі і за гэты час не адбудзецца ніякай эскалацыі не толькі ў Беларусі, але і вакол нас".