Лукашэнка раскрытыкаваў работу "Беларусьфільма"

Стан спраў на кінастудыі "Беларусьфільм" і ў цэлым у кінематографе вельмі нездавальняючы, аддача - мінусавая. Гэта Прэзідэнт Беларусі Аляксандр Лукашэнка заявіў 10 чэрвеня на нарадзе па пытаннях развіцця нацыянальнага кінематографа, піша БЕЛТА.

Кіраўнік дзяржавы адзначыў, што рашэнне правесці сустрэчу па заяўленай тэматыцы наспела даволі даўно. Паводле яго слоў, стан спраў на кінастудыі і ў галіне ў цэлым вельмі нездавальняючы. "Дзяржавай створаны ўмовы для развіцця айчыннага кінематографа і ў прыватнасці "Беларусьфільма", - звярнуў увагу Прэзідэнт. Але аддача, як падкрэсліў Аляксандр Лукашэнка, пакуль не тое што нулявая, а ніжэйшая за нуль. "Мінусавая! Ні дзяржава, ні глядач не бачаць вынікаў", - заявіў ён.

Паводле слоў Прэзідэнта, для большасці беларусаў айчыннае кіно скончылася "Жніўнем 44-га…" і "Брэсцкай крэпасцю". "Глядзець проста няма чаго! - канстатаваў кіраўнік дзяржавы. - Канчаткова страчаны сямейная, юнацкая і дзіцячая аўдыторыі".