Лукашэнка сабраў нараду па падрыхтоўцы саміту ЕАЭС і Еўразійскага эканамічнага форуму

Прэзідэнт Беларусі Аляксандр Лукашэнка 19 чэрвеня сабраў нараду па падрыхтоўцы пасяджэння Вышэйшага Еўразійскага эканамічнага савета і Еўразійскага эканамічнага форуму, паведамляе БЕЛТА.

Аляксандр Лукашэнка нагадаў, што літаральна праз тыдзень у Мінску пройдуць найбуйнейшыя для краіны міжнародныя мерапрыемствы гэтага года - пасяджэнне Вышэйшага Еўразійскага эканамічнага савета і Еўразійскі эканамічны форум. Чакаецца ўдзел у іх прадстаўнікоў больш чым двух дзясяткаў краін, у тым ліку каля 10 - на ўзроўні кіраўнікоў дзяржаў, а таксама кіраўніцтва шэрагу міжнародных арганізацый.

"Нагрузка на нас добрая. Сёння мы павінны абмеркаваць гатоўнасць да гэтага мерапрыемства. Як прымаць гасцей у такіх маштабах, мы ведаем. Усё павінна быць падрыхтавана са знакам якасці і ў арганізацыйным, і перш за ўсё ў змястоўным плане", - падкрэсліў Прэзідэнт.