Лукашэнка: Усе канфесіі жывуць у Беларусі ў атмасферы ўзаемнай павагі, міру і згоды

Міжканфесійны мір - найважнейшае дасягненне Беларусі. У сваёй найноўшай гісторыі беларуская зямля не ведала рознагалоссяў, праследаванняў па рэлігійнай, нацыянальнай, расавай прыкмеце.

А сёння ў краіне склалася ўнікальная этнаканфесійнальная мадэль, якая магла б стаць прыкладам для многіх. Яна грунтуецца на простай формуле: павага - разуменне - згода. У лютым на сустрэчы з прадстаўнікамі рэлігійных канфесій Прэзідэнт Беларусі падкрэсліваў: дзяржава займала і заўсёды будзе займаць канструктыўную пазіцыю ў пытаннях, што датычацца духоўнага жыцця людзей.

"Усе канфесіі жывуць тут у атмасферы ўзаемнай павагі, міру і згоды. У нашы дні гэта дзіўна для многіх, у тым ліку так званых цывілізаваных краін. Суіснаванне хрысціянства, ісламу, іудаізму і іншых рэлігій, асновы якіх не супярэчаць глыбінным каштоўнасцям беларускага грамадства, згуртавала і загартавала беларускую нацыю. Мы заўсёды адкрытыя для тых, хто прыходзіць да нас з дабром. Так будзе заўсёды", - заявіў Аляксандр Лукашэнка.

Дарогу да свайго храма ў Беларусі знаходзяць мусульмане, іудзеі, праваслаўныя, католікі і пратэстанты. Рэлігія ў жыцці грамадства павінна быць стваральнай сілай, а міласэрнасць, дабро, любоў да блізкага, спачуванне, духоўнасць, талерантнасць, згода павінны заставацца важнымі апорамі для людзей у цяперашнім няпростым свеце.