Лукашэнка высадзіў першае дрэва ў парку Народнага адзінства і паказаў ідэальную тэхналогію пасадкі

Прэзідэнт Беларусі Аляксандр Лукашэнка пасадзіў першае дрэва ў парку Народнага адзінства, паведаміла БЕЛТА.

Прэзідэнт на рэспубліканскім суботніку высаджвае дрэвы ў парку Народнага адзінства. Аляксандр Лукашэнка разам з брыгадамі студэнцкай моладзі высадзіць алею з 80 дрэў, якія сімвалізуюць 80 юбілейных гадоў, што мінулі з Перамогі ў Вялікай Айчыннай вайне.

Першае дрэва на месцы парку Народнага адзінства пасадзіў асабіста Прэзідэнт. А заадно правёў майстар-клас па пасадцы. Аляксандр Лукашэнка заўважыў, што людзі, якія працуюць разам з ім, умеюць рабіць усё: саджаць дрэвы, касіць траву, секчы дровы.

Дрэва высаджваецца ў лунку і замацоўваецца калкамі. Кіраўнік дзяржавы з дапамогай кувалды забіў калкі ў зямлю, пасля чаго дрэва прысыпалі зямлёй і палілі.

"Гэта тэхналогія пасадкі дрэў! Ідэальная тэхналогія!" - звярнуўся Прэзідэнт да моладзі.