Лукашэнка запатрабаваў ухіліць недапрацоўкі ў расчыстцы і выкарыстанні паваленага лесу

Прэзідэнт Беларусі Аляксандр Лукашэнка запатрабаваў аператыўна ўхіліць недапрацоўкі ў расчыстцы і выкарыстанні паваленага лесу. На гэтым ён акцэнтаваў увагу падчас рабочай паездкі ў Магілёўскую вобласць, паведамляе БЕЛТА.

"Каб да 1 верасня па краіне не было ніводнага бервяна, што валяецца на ўзлеску", - запатрабаваў кіраўнік дзяржавы.

Інакш, адзначыў Прэзідэнт, запатрабаваная дрэўная сыравіна проста згніе. Раней ён таксама даручаў у тым ліку перадаваць павалены лес у распараджэнне насельніцтва.