Лукашэнка заснаваў эмблему і флаг Міністэрства інфармацыі

Прэзідэнт Беларусі Аляксандр Лукашэнка падпісаў указ нумар 277 "Аб афіцыйных геральдычных сімвалах Міністэрства інфармацыі". Пра гэта піша БЕЛТА са спасылкай на прэс-службу кіраўніка дзяржавы.

Указам засноўваюцца эмблема і флаг Міністэрства інфармацыі.

Эмблема ўяўляе сабой авал серабрыстага колеру з прамянямі, што разыходзяцца ад цэнтра, авал абрамлены аблямоўкай зялёнага колеру. У цэнтры размешчана абрэвіятура "МІ". Флаг узнаўляе выяву эмблемы.

Наяўнасць афіцыйных геральдычных сімвалаў будзе садзейнічаць захаванню і развіццю традыцый Міністэрства інфармацыі, а таксама яго індывідуалізацыі і распазнаванню ў медыяпрасторы.