Прэзідэнт Беларусі 29 красавіка здзейсніць рабочы візіт у Валгаград

Прэзідэнт Беларусі Аляксандр Лукашэнка 29 красавіка здзейсніць рабочы візіт у Расійскую Федэрацыю.

У Валгаградзе кіраўнік дзяржавы разам з расійскім калегам Уладзімірам Пуціным возьмуць удзел у міжнародным форуме Саюзнай дзяржавы "Вялікая спадчына - агульная будучыня".

Асноўнай мэтай форуму з'яўляецца захаванне і абарона гістарычнай памяці аб падзеях Вялікай Айчыннай вайны. Ад беларускага боку ўдзел у мерапрыемстве возьмуць парламентарыі, прадстаўнікі грамадскіх арганізацый, рэктары ВНУ, дырэктары гімназій і школ, а таксама цэнтраў патрыятычнага выхавання краіны, навукоўцы, члены Маладзёжнага парламента пры Нацыянальным сходзе.

Аляксандр Лукашэнка ўскладзе кветкі ў гісторыка-мемарыяльным комплексе "Героям Сталінградскай бітвы" на Мамаевым кургане. Чакаецца, што прэзідэнты Беларусі і Расіі правядуць асобную сустрэчу, падчас якой абмяркуюць актуальныя пытанні развіцця двухбаковага супрацоўніцтва, сітуацыю ў рэгіёне і міжнародны парадак дня.