Прэзідэнт Беларусі наведвае трэніроўку хакейнага клуба "Дынама-Мінск"

Прэзідэнт Беларусі Аляксандр Лукашэнка прыехаў на трэніроўку хакейнага клуба "Дынама-Мінск" у "Мінск-Арэне", піша БЕЛТА.

Нагадаем, што хакеісты мінскага "Дынама" ўпершыню ў гісторыі клуба прабіліся ў другі раўнд плэй-оф Кантынентальнай хакейнай лігі. У першым раўндзе сапернікамі "зуброў" былі хакеісты маскоўскага ЦСКА. "Дынама" выйграла ў ЦСКА усе тры матчы ў Мінску і адзін - у Маскве. З улікам двух паражэнняў на арэне саперніка нашы хакеісты атрымалі перамогу ў серыі з лікам 4:2.

У чвэрцьфінале КХЛ "Дынама-Мінск" згуляе з чэлябінскім "Трактарам". Першыя два матчы "зубры" правядуць на выездзе ў Чэлябінску 12 і 14 красавіка.

Гульню нашых хакеістаў ацаніў і Прэзідэнт. 9 красавіка Аляксандр Лукашэнка прыехаў на трэніроўку "Дынама-Мінск", каб падтрымаць каманду і, вядома, пагутарыць са спартсменамі.