Прэзідэнт Беларусі паўторна адправіў на дапрацоўку праект указа аб кантрольна-нагляднай дзейнасці

Прэзідэнт Беларусі Аляксандр Лукашэнка паўторна адправіў на дапрацоўку праект указа аб кантрольна-нагляднай дзейнасці. Пра гэта паведаміў журналістам старшыня Камітэта дзяржаўнага кантролю Васіль Герасімаў па выніках нарады ў кіраўніка дзяржавы, паведамляе БЕЛТА.

Дадзенае пытанне ўжо абмяркоўвалася на ўзроўні Прэзідэнта на нарадзе ў маі мінулага года. Тады Аляксандр Лукашэнка даручыў дапрацаваць праект указа, каб дакумент быў зразумелы і зручны для выкарыстання. Ставілася таксама задача змяніць стыль і метады работы кантралюючых органаў, зрабіўшы акцэнт на павышэнні эфектыўнасці працы. Аднак і на гэты раз прыйсці да адной роўніцы не атрымалася.

"Праект указа быў дэталёва абмеркаваны з кіраўніком дзяржавы. Па ходзе абмеркавання выявіліся пытанні, якія неабходна будзе дапрацаваць. Савет міністраў, Генеральная пракуратура і Камітэт дзяржаўнага кантролю зоймуцца гэтай работай для таго, каб ужо выдаць належнай якасці дакумент", - распавёў Васіль Герасімаў.