Прэзідэнт Беларусі павіншаваў Валянціну Мацвіенка з днём нараджэння

Прэзідэнт Беларусі Аляксандр Лукашэнка павіншаваў старшыню Савета Федэрацыі Федэральнага сходу Расіі Валянціну Мацвіенка з днём нараджэння. Пра гэта паведамляе БЕЛТА.

"Усё сваё жыццё Вы прысвяцілі служэнню Айчыне і вырашэнню найважнейшых пытанняў яе развіцця. Глыбокія веды, вялізны вопыт, назапашаны на розных адказных пасадах, прынцыповасць і выключная адданасць інтарэсам Расійскай Федэрацыі робяць Ваш уклад ва ўмацаванне расійскага парламентарызму неацэнным", - гаворыцца ў віншаванні.

Кіраўнік дзяржавы выказаў упэўненасць, што пры актыўным удзеле Валянціны Мацвіенка супрацоўніцтва паміж заканадаўцамі Беларусі і Расіі будзе і надалей пашырацца, у тым ліку ўзбагачацца новымі праектамі і ініцыятывамі на міждзяржаўным і міжрэгіянальным узроўнях.

"Прыміце, паважаная Валянціна Іванаўна, самыя цёплыя пажаданні здароўя, аптымізму, шчырай і ўсебаковай падтрымкі калег і сяброў. Дабра і дабрабыту Вам і Вашым блізкім", - пажадаў Аляксандр Лукашэнка.