Прэзідэнт Беларусі расказаў, ці ёсць Украіне месца ў ЕС

Украіне ў Еўрасаюзе рабіць няма чаго. Гэта заявіў Прэзідэнт Беларусі Аляксандр Лукашэнка 12 красавіка падчас размовы з журналістамі на рэспубліканскім суботніку, інфармуе БЕЛТА.

"Куды Украіна лезе? Гэтае імгненнае захапленне нявопытнага чалавека. Добры чалавек Валодзя Зяленскі, але нявопытны. Ён гэта павінен прызнаць, - сказаў Аляксандр Лукашэнка. - Украіне ў Еўрасаюзе рабіць няма чаго".

Па словах Прэзідэнта, калі ў цяперашніх складаных умовах Украіна яшчэ і абваліць сваю эканоміку (а гэта напэўна адбудзецца пасля ўступлення ў ЕС), то краіны ўжо не будзе. "Перш чым туды бегчы, падумай: ты там патрэбны ці не. Гэта будзе краіна без прамысловасці, без сельскай гаспадаркі, без таго, чым Украіна так ганарылася", - падкрэсліў кіраўнік дзяржавы.