Прэзідэнт прыняў удзел ва ўрачыстай цырымоніі ў мемарыяльным комплексе "Курган Славы"

Мір, свабода і незалежнасць - вялікія каштоўнасці, якія трэба берагчы і абараняць. Пра гэта заявіў Аляксандр Лукашэнка. Прэзідэнт разам з беларусамі прыняў удзел ва ўрачыстай цырымоніі ў мемарыяльным комплексе "Курган Славы".

Тысячы людзей прыйшлі ўшанаваць подзвіг пераможцаў, тых, хто падарыў нам Дзень Незалежнасці. Час такі, што сёння за будучыню зноў трэба змагацца. Але, як сказаў наш Прэзідэнт, разам нам па сілах справіцца з любымі выклікамі.

Мірнае неба, бязмежныя зялёныя прасторы і манументальны Курган - сімвал мужнасці, месца нашай славы і месца народнай памяці. Адзін з тысячы мемарыялаў, якімі абсыпана беларуская зямля. 3-га Ліпеня да яго - сапраўдная людская рака. Дзень Незалежнасці - свята, у якім так моцна сплятаюцца і наша гісторыя, і наша сапраўднае жыццё (падрабязнсці ў відэа).