"Сапраўдны патрыёт". Аляксандр Лукашэнка павіншаваў кіраўніка МЗС Расіі Сяргея Лаўрова з 75-годдзем

Прэзідэнт Беларусі Аляксандр Лукашэнка павіншаваў міністра замежных спраў Расіі Сяргея Лаўрова з 75-годдзем. Пра гэта паведамляе БЕЛТА са спасылкай на прэс-службу беларускага лідара.

"Найдасведчаны дыпламат з глыбокім разуменнем сучасных рэалій, адданы справе прафесіянал, які прысвяціў усё сваё жыццё службе на карысць Айчыны, сапраўдны патрыёт - Вы па праве сталі сімвалам расійскай дыпламатыі. Ва ўмовах беспрэцэдэнтнай міжнароднай напружанасці Вы паспяхова адстойваеце нацыянальныя інтарэсы, актыўна садзейнічаеце фарміраванню больш справядлівага шматпалярнага свету", - гаворыцца ў віншаванні.

Кіраўнік дзяржавы адзначыў, што ў Беларусі высока цэняць нязменна дружалюбнае стаўленне Сяргея Лаўрова да краіны і яго намаганні па развіцці беларуска-расійскага стратэгічнага партнёрства, умацаванні Саюзнай дзяржавы. "Разлічваю на далейшае плённае супрацоўніцтва ў інтарэсах нашых краін і народаў", - падкрэсліў Прэзідэнт.

Аляксандр Лукашэнка пажадаў Сяргею Лаўрову добрага здароўя, ажыццяўлення ўсіх задуманых планаў у адказнай дзейнасці, шчасця і дабрабыту.