У Беларусі распрацоўваюць новую сістэму рэгулявання цэн

Пару гадоў таму па даручэнні Аляксандра Лукашэнкі ў краіне быў створаны комплекс мер для рэгулявання спажывецкага рынку, які закранаў не толькі пытанні цэнаўтварэння. І падыход выканаў пастаўленыя на той момант задачы.

Што маем сёння?! Ключавое - у нас самы нізкі паказчык інфляцыі сярод краін СНД - 5,2 % па выніках 2024-га. Але ёсць групы тавараў, па якіх статыстыка не такая пазітыўная. Прэзідэнт Беларусі арыентуе: у новай - справядлівай - сістэме цэнаўтварэння павінен няўхільна выконвацца баланс усіх інтарэсаў: ад вытворцы да спажыўца. Трэба стварыць зразумелыя ўмовы працы і агульныя правілы для ўсіх удзельнікаў рынку.

Нарада атрымалася вельмі аб'ёмнай і дыскусійнай. Тры гадзіны ішло абмеркаванне - свой пункт погляду абгрунтавалі ўрад, губернатары і Белстат.