У Дзень Перамогі Лукашэнка возьме ўдзел у святочных мерапрыемствах у Маскве і Мінску

Прэзідэнт Беларусі Аляксандр Лукашэнка 9 мая возьме ўдзел у святочных мерапрыемствах у гонар 80-годдзя Перамогі ў Вялікай Айчыннай вайне, якія пройдуць у Мінску і Маскве. Пра гэта паведамляе БЕЛТА.

Кіраўнік дзяржавы 8 мая накіруецца з рабочым візітам у Расійскую Федэрацыю, дзе 9 мая на Краснай плошчы ў Маскве разам з замежнымі калегамі будзе прысутнічаць на парадзе Перамогі. Парадным разлікам па маскоўскім бруку пройдуць і беларускія вайскоўцы.

Вечарам таго ж дня ў беларускай сталіцы каля стэлы "Мінск - горад-герой" Аляксандр Лукашэнка прыме вайсковы парад з нагоды 80-годдзя Перамогі савецкага народа ў Вялікай Айчыннай вайне.