У гонар 80-годдзя Перамогі Лукашэнка ўручыў дзяржаўныя ўзнагароды прадстаўнікам розных сфер

Напярэдадні святой даты - 80-годдзя Перамогі ў Вялікай Айчыннай вайне - Прэзідэнт Беларусі Аляксандр Лукашэнка ўручыў дзяржаўныя ўзнагароды заслужаным прадстаўнікам розных сфер, паведамляе БЕЛТА.

"Дзякуючы беспрэцэндэнтнай мужнасці і адзінству савецкага народа завяршылася самая страшная, самая крывавая і маштабная вайна ў гісторыі чалавецтва. Завяршылася поўным разгромам фашызму. Для Беларусі гэта Вялікая Перамога і захаванне памяці пра яе - частка нашай нацыянальнай ідэі. Акупіраваная, скатаваная ворагам, але непакораная рэспубліка-партызанка, рэспубліка-падпольшчыца заплаціла за сваё мірнае неба велізарную цану, страціўшы кожнага трэцяга", - сказаў кіраўнік дзяржавы.

Ён падкрэсліў, што подзвіг герояў назаўжды застанецца найвялікшым прыкладам беззапаветнай любові да Радзімы, прыкладам, на якім выхоўваюць дзяцей, працягваючы традыцыі, перанятыя ад доблеснага пакалення пераможцаў.

Шматлікія айчынныя прамысловыя гіганты - "Беларуськалій", МТЗ, МАЗ, БЕЛАЗ - вядуць сваю гісторыю з пасляваеннага часу.

"Гэту спадчыну мы не проста захавалі, але прымножылі і ператварылі ў вядомыя беларускія брэнды", - сказаў кіраўнік дзяржавы.