"Выдатны фінал". Лукашэнка павіншаваў ХК "Юнацтва-Мінск" з заваяваннем Кубка Прэзідэнта

Прэзідэнт Беларусі Аляксандр Лукашэнка павіншаваў гульцоў, трэнерскі штаб і балельшчыкаў хакейнага клуба "Юнацтва-Мінск" з заваяваннем Кубка Прэзідэнта. Пра гэта паведамляе БЕЛТА са спасылкай на прэс-службу кіраўніка дзяржавы.

"Выдатны фінал і бліскучае завяршэнне сезона, у якім каманда заваявала тры галоўныя трафеі - Кубак Салея, залатыя медалі рэгулярнага чэмпіянату краіны і Прэзідэнцкі Кубак. Вельмі важна, што маладое пакаленне "Юнацтва" працягвае традыцыі легендарнага клуба, што даў пуцёўку ў жыццё шматлікім зоркам хакея і стаў сапраўднай школай жыцця для тысяч хлапчукоў", - гаворыцца ў віншаванні.

Аляксандр Лукашэнка таксама адрасаваў самыя цёплыя словы падзякі за прыгожую і ўпартую барацьбу хакейнаму клубу "Віцебск". "Вашы адданасць роднай камандзе, згуртаванасць і прагрэс уражваюць. Перакананы, галоўныя перамогі ў вас яшчэ наперадзе", - падкрэсліў Прэзідэнт.

Кіраўнік дзяржавы пажадаў усім камандам і балельшчыкам здароўя, шчасця і поспехаў.