"Высокая місія". Лукашэнка павіншаваў Папу Рымскага Льва XIV з днём інтранізацыі

Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Папу Рымскага Льва XIV з днём інтранізацыі. Пра гэта паведамляе БЕЛТА са спасылкай на прэс-службу беларускага лідара.

"Абранне на пасаду ў гэты няпросты перыяд глабальных супярэчнасцяў сёння набывае асаблівае значэнне, - гаворыцца ў віншаванні. - Ваш заклік да міжнароднай супольнасці поўнасцю адпавядае пазіцыі Беларусі, якая заўсёды выступае за мір і згоду паміж народамі. Толькі сумеснымі намаганнямі можна дасягнуць агульных мэт".

Кіраўнік дзяржавы выказаў упэўненасць, што высокая місія Льва XIV на чале Каталіцкай царквы будзе спрыяць паглыбленню міжканфесійнага дыялогу і захаванню хрысціянскіх каштоўнасцей.

Аляксандр Лукашэнка пажадаў Папу Рымскаму здароўя, дабрабыту і Божай ласкі ва ўсіх справах.