З нагоды Дня абароны дзяцей да беларусаў звярнуўся Прэзідэнт

Сёння Міжнародны дзень абароны дзяцей. Гэтай традыцыі ўжо амаль 80 гадоў. З нагоды свята да беларусаў звярнуўся Прэзідэнт: "У нашай краіне з вялікай адказнасцю ставяцца да кожнага дзіцяці. Мы бачым у вас нашу будучыню. Укладваем шмат працы, каб ваша дзяцінства было шчаслівым, напоўненым новымі ведамі і пазітыўнымі эмоцыямі. Для гэтага створаны неабходныя ўмовы: якасная адукацыя, шырокая сацыяльная падтрымка, даступная медыцына - усё, што трэба для рэалізацыі амбіцыйных планаў. Упэўнены, вы працягнеце нашы распачынанні - ад распрацоўкі новых тэхналогій і кіравання складанымі механізмамі да развіцця эканомікі, сацыяльнай сферы і абароны нашай дзяржавы - і,  вядома, будзеце бясконца любіць і ганарыцца роднай Беларуссю",  - гаворыцца ў віншаванні.