У Беларусі за суткі патушана 7 лясных пажараў

У Беларусі за суткі ліквідавана сем лясных пажараў. Аб гэтым паведамляе БЕЛТА са спасылкай на  МНС.

Паводле аператыўных даных, за мінулыя суткі ў краіне ліквідавана сем лясных пажараў на агульнай плошчы 0,6 га і 24 пажары травы і хмызнякоў на агульнай плошчы 1,06 га. Як удакладнілі ў ведамстве, у Брэсцкай вобласці адбылося чатыры пажары, у Гомельскай - адзін і ў Магілёўскай - два.

Пяць пажараў былі ліквідаваны сіламі Мінлясгаса, два - сумесна сіламі МНС і Мінлясгаса. Усяго для ліквідацыі лясных пажараў прыцягваліся 54 чалавекі і 22 адзінкі тэхнікі, з іх дзве адзінкі тэхнікі і сем работнікаў МНС.