У Нароўлі пры пажары ў доме загінулі 3 чалавекі, з іх - 2 дзіцяці

У Нароўлі следчыя высвятляюць акалічнасці гібелі пры пажары траіх чалавек - сярод іх двое дзяцей.

Узгаранне адбылося 14 чэрвеня каля 03:22. У той момант у доме знаходзіліся пажылыя муж і жонка і чацвёра непаўналетніх. Яшчэ да прыезду ратавальнікаў відавочцы дапамаглі выбрацца з агню старэйшаму дзіцяці і дзядулю.

Ад атрыманых цялесных пакалечанняў 73-гадовая пенсіянерка загінула на месцы, а яе 5-гадовая праўнучка і 10-гадовы праўнук памерлі па дарозе ў бальніцу. У цяжкім стане ў рэанімацыю дастаўлены 7-гадовы хлопчык.