У Смалявіцкім раёне ў выніку ДТЗ загінула пасажырка легкавушкі

У Смалявіцкім раёне з-за ДТЗ загінула пасажырка легкавушкі. Пра гэта паведамляе БЕЛТА, спасылаючыся на УДАІ УУС Мінаблвыканкама.

Паводле папярэдняй інфармацыі, 20 мая прыкладна ў 2:50 на 23-м км дарогі М2 Мінск - Нацыянальны аэрапорт у Смалявіцкім раёне 32-гадовы мінчанін на BMW Х6 не справіўся з кіраваннем, выехаў за межы на раздзяляльную паласу, дзе ўрэзаўся ў апору ЛЭП. У момант аварыі вадзіцель і пасажыр не былі прышпілены рамянямі бяспекі.

У выніку ДТЗ 26-гадовая пасажырка легкавушкі ад атрыманых траўм памерла на месцы здарэння.