IT-адукацыя з дапамогай робатаў і графічных планшэтаў развіваецца ў Барысаве

У Барысаве абнавілі інфраструктуру STEM-цэнтра, які функцыянуе на базе сярэдняй школы № 24.

Вучні падрабязна вывучаюць інжынерна-тэхнічны напрамак з дапамогай сучаснага абсталявання, асвойваюць інфарматыку, праграмаванне і канструктарскую справу. Гэта развівае логіку і дапамагае лепш засвойваць дакладныя навукі.

Анжэла Стаблецкая, намеснік дырэктара СШ № 24 г. Барысава:

"Пачыналі мы з малога. Паступова выбудоўвалі сваю сістэму навучання інжынерна-тэхнічным дысцыплінам у школе. Навучанне пачынаецца з 1 класа з паступовым ускладненнем - кожны год дадаецца праграмаванне, робататэхніка з рознымі канструктарамі".

У Мінскай вобласці адкрыты 118 інжынерна-тэхнічных класаў, у якіх навучаецца больш за тысячу юных робататэхнікаў і праграмістаў.