У Фрунзенскім раёне Мінска адкрылі новы дзіцячы сад

Новы дзіцячы садок № 587 атрымаў прапіску на вуліцы Скрыпнікава ў беларускай сталіцы. Ён разлічаны на 200 дзяцей

Новы дзіцячы сад урачыста адкрылі 23 верасня ў Мінску. Установа адукацыі размешчана ў густанаселеным мікрараёне Сухарава, таму была вельмі неабходнай. Дзякуючы сучаснай інфраструктуры дзіцячы сад стаў своеасаблівым мультыадукацыйным комплексам для ўсебаковага развіцця дзяцей.

Новы дзіцячы садок № 587 атрымаў прапіску на вуліцы Скрыпнікава. Разлічаны ён на 200 дзяцей. Для развіцця і выхавання хлопчыкаў і дзяўчынак ёсць уся неабходная інфраструктура - як адукацыйная, так і спартыўная: прасторныя гульнявыя пакоі, кабінеты з мультыбордамі і камп’ютарны клас для заняткаў і развіцця логікі, спартыўная зала з міні-трэнажорамі. Ёсць у дашкольнай установе і басейн (гл. відэа).