У Брэсце адбыўся мітынг з нагоды Дня Дзяржаўнага флага, герба і гімна

У Брэсце прайшоў урачысты мітынг з нагоды Дня дзяржаўных сімвалаў, які сабраў кіраўніцтва вобласці і горада, ветэранаў працы, прадстаўнікоў грамадскасці і моладзь.

На плошчы Леніна арганізавалі прыгожае свята. Кожны творчы нумар увасабляў любоў і гонар за краіну. Адным з яркіх момантаў стаў пралёт над плошчай верталёта з гіганцкім беларускім флагам.

Ігар Брылевіч, старшыня Брэсцкага абласнога Савета дэпутатаў:

"Мы пражываем у цудоўнай і мірнай краіне. І тая стваральная праца, якую мы прыкладваем, каб рабіць нашу зямлю прыгажэйшай, адбываецца пад нашымі нацыянальнымі сімваламі. Нацыянальныя сімвалы - гэта не толькі сімвал дзяржавы, сімвал усіх нас і кожнага паасобку. Мы павінны паважаць іх і засцерагаць ад разнастайных замахаў".

Маляўнічым завяршэннем свята стаў урачысты марш, у якім прайшлі воіны Брэсцкага гарнізона, пагранічнікі, праваахоўнікі, зводны мемарыяльны атрад Паста Памяці, навучэнцы патрыятычных класаў. Далучыліся да шэсця і творчыя калектывы горада.