У Мінску стартаваў праект пад назвай "Чатыры фронты - адна Перамога"

У гонар славутых савецкіх военачальнікаў, якія змагаліся за Перамогу ў Вялікай Айчыннай вайне, у Мінску стартаваў праект пад назвай "Чатыры фронты - адна Перамога".

Праект сабраў разам прадстаўнікоў грамадскасці, школьнікаў і нашчадкаў праслаўленых маршалаў Перамогі: Ракасоўскага, які камандаваў аперацыяй "Баграціён", Баграмяна, які кіраваў Прыбалтыйскім фронтам, Чарняхоўскага, які ўзначальваў 3-і Беларускі фронт, і Захарава, які камандаваў 2-м Беларускім фронтам.

У рамках праекта тром школам Мінска прысвоілі імёны палкаводцаў, чый талент і гераізм набліжалі Вялікую Перамогу.

Музей імя двойчы Героя Савецкага Саюза, маршала Івана Баграмяна ўрачыста адкрылі ў мінскай сярэдняй школе № 148. Навучальнай установе, удастоенай статусу "Школа міру" ў гонар 80-годдзя Вялікай Перамогі,  прысвоена імя Баграмяна.