Анастасія Шкурдай заваявала бронзу на чэмпіянаце свету на кароткай вадзе

Беларуска Анастасія Шкурдай выйграла бронзу ў заключны дзень чэмпіянату свету па плаванні на кароткай вадзе, які праходзіць у Будапешце.

Трэці вынік беларуска паказала на дыстанцыі 200 м на спіне. Гэта другая ўзнагарода ў скарбонцы нашай зборнай.

Раней бронзавы медаль на стаметроўцы брасам заваяваў Ілья Шымановіч. У заключны дзень паўтарыць поспех яму не ўдалося. У фінале Шымановіч стаў толькі пятым. На аналагічнай дыстанцыі сярод жанчын Аліна Змушко заняла сёмае месца.

Беларуская каманда вяртаецца на радзіму вечарам 16 снежня.