Беларускія навукоўцы распрацоўваюць 3D-мадэль ніжняй сківіцы

Навукоўцы БДУ праводзяць даследаванні 3D-мадэлі сківіцы для карэктнага ўсталявання імплантаў. Распрацоўка не мае аналагаў і з'яўляецца рэвалюцыйнай у стаматалогіі.

Каля 50 інструкцый і віртуальных мадэляў за апошнія 15 гадоў укаранілі ў практычную дзейнасць медустаноў Беларусі прадстаўнікі школы біямеханікі ў галіне траўматалогіі, артапедыі, стаматалогіі.

"Стаўку робім на якасць. Такая мадэль не можа быць, не павінна быць аднаразовай. Такая мадэль павінна выкарыстоўвацца і для іншых мэт менавіта за кошт сваёй параметрызацыі, за кошт магчымасці падстройвацца пад асаблівасці пацыента і пад канкрэтны клінічны выпадак", - расказаў пра распрацоўку дэкан механіка-матэматычнага факультэта БДУ Сяргей Басякоў.

Школа біямеханікі працуе на базе БДУ ужо 20 гадоў. Навукоўцы з дапамогай спецыяльнай праграмы ствараюць прататыпы жывой тканкі са штучных матэрыялаў.