Мінская вобласць плануе ўкараніць штучны інтэлект у аграпрамысловы комплекс

Мінская вобласць плануе стаць першай ва ўкараненні штучнага інтэлекту ў аграпрамысловым комплексе. Перадавы вопыт у гэтай сферы прапаноўвае Татарстан. Пра гэта напярэдадні заявілі ў Мінаблвыканкаме, дзе адбылася сустрэча кіраўніцтва цэнтральнага рэгіёна з прадстаўнікамі IT-галіны з расійскага рэгіёна.

Па словах спецыялістаў, новыя праекты дазволяць мінімізаваць ручную працу на малочна-таварных комплексах. А галоўная мэта - паляпшэнне здароўя жывёл, а значыць, павелічэнне надояў высокаякаснага малака.

Праекты са штучным інтэлектам плануюць укараняць пераважна на новых фермах. У 2025 годзе ў Мінскай вобласці пабудуюць і ўвядуць у эксплуатацыю каля двух дзясяткаў комплексаў.