17 млн чалавек за рысай беднаты - сучасныя рэаліі Польшчы

Нізкі эканамічны рост, высокая інфляцыя і ніякіх змяненняў у сацыяльных дапамогах - сучасныя рэаліі Польшчы. Бедната ў краіне дасягнула рэкордных паказчыкаў.

Каля 17 млн чалавек жывуць за рысай беднаты, а гэта амаль палова насельніцтва. Грошай ім хапае толькі на асноўныя прадукты харчавання.

Аб гэтым гавораць звесткі дакладу Poverty Watch 2024, падрыхтаванага польскім камітэтам Еўрапейскай сеткі па барацьбе з беднатой.

Пры гэтым колькасць палякаў, якія жывуць у крайняй галечы, усяго за год павялічылася з 1,7 да 2,5 млн. 500 тысяч з якіх - дзеці.