2 тыс. амерыканскіх вайскоўцаў знаходзяцца ў Сірыі, паведамілі ў Пентагоне

Узровень небяспекі ў некаторых раёнах Сірыі застаецца вельмі высокім. Баявыя дзеянні напярэдадні адбыліся ў правінцыях Алепа і Тартус. Аб гэтым гаворыцца ў зводцы Упраўлення ААН па каардынацыі гуманітарных пытанняў.

ЗША ж нарошчваюць ваенную прысутнасць на Блізкім Усходзе. За апошні час яны больш чым удвая павялічылі лік сваіх вайскоўцаў у Сірыі, паведаміў афіцыйны прадстаўнік Пентагона. Зараз там дыслацыравана 2 тыс. амерыканскіх вайскоўцаў замест 900, як лічылася раней.