А раптам шпіёны?! У Літве вырашылі пачысціць армію ад жыхароў краіны з падвойным грамадзянствам

У Літве вырашылі пачысціць армію ад іншаземцаў. Міністр абароны краіны Лаўрынас Касчунас асцерагаецца, што ў шэрагах вайскоўцаў могуць быць патэнцыйныя шпіёны.

А таму жыхароў Літвы з падвойным грамадзянствам, адным з якіх з'яўляецца беларускае, расійскае або кітайскае, зараз не будуць прымаць на ваенную службу.

Касчунас заявіў, што такія людзі ўжо падчас праходжання службы павінны быць звольнены з арміі. Пры гэтым Мінабароны нейкім чынам плануе пашырыць колькасць Узброеных сіл да 2030 года.