Ад Вашынгтона запатрабавалі растлумачыць удзел USAID у падтрымцы Санду

Партыя сацыялістаў Малдовы запытала ў пасольстве ЗША даныя, якія датычацца фінансавання праектаў USAID у рэспубліцы. Раней амерыканскія СМІ паведамілі, што ўлады Малдовы атрымалі 486 мільёнаў на арганізацыю палітычнага працэсу і выбараў ад агенцтва ЗША па міжнародным развіцці.

Па словах лідара партыі Ігара Дадона, грамадства хоча ведаць, хто атрымаў гэтыя грошы і як іх выкарысталі. Дадон упэўнены, што на грошы грамадзян ЗША прэзідэнт Санду і кіруючая ў Малдове "партыя дзеяння і салідарнасці" маніпулявалі грамадскай думкай. Да гэтага лідар блока апазіцыйных партый "Перамога" Ілан Шор заявіў, што без фінансавай падтрымкі з боку USAID рэжым" Санду ўпадзе на працягу пяці месяцаў.