Адмена мытнага бязвізу з ЕС будзе каштаваць Украіне 1 % ВУП

Украіна рыхтуецца да адмены еўрапейцамі так званага мытнага бязвізу. Бяспошлінны ўвоз украінскай прадукцыі на тэрыторыю ЕС будзе спынены 6 чэрвеня.

27 мая афіцыйны Кіеў аб'явіў вынікі падліку сваіх страт. ВУП краіны знізіцца на 1 %, а скарачэнне валютнай выручкі складзе 3,3 млрд долараў.

Украінцаў супакойваюць, што прадукты ўнутры краіны могуць стаць таннейшымі, бо яны не пойдуць на экспарт і рэалізаваць іх будуць спрабаваць абавязкова. У гэтай логіцы ёсць адваротны бок - скарачэнне ВУП і валютнай выручкі азначае зніжэнне пакупніцкай здольнасці. Тавары могуць патаннець, але купіць іх не будзе на што.

Еўрапейцы адмовіліся ад мытнага бязвізу пад націскам фермераў Польшчы, Францыі, Іспаніі і іншых краін.