Аэрапорты Дамаска і Алепа аднавілі працу, але ёсць нюанс

13 снежня ў Сірыі два самыя буйныя аэрапорты краіны - Дамаска і Алепа - аднавілі працу для замежных бартоў. Пакуль, праўда, па спецдазволах.

З наступнага тыдня вярнуцца за парты змогуць і сірыйскія школьнікі. Напярэдадні ў Дамаску адмянілі каменданцкую гадзіну.

Новыя ўлады заклікаюць сірыйцаў вяртацца на радзіму. Але міжнародныя арганізацыі папярэджваюць - становішча пакуль вельмі сур'ёзнае.

Так, напярэдадні ў сірыйскай сталіцы, а таксама ў Рацы ўспыхнулі пратэсты супраць новай улады. Натоўп разагналі аўтаматнымі чэргамі, сірыйскія крыніцы паведамляюць, што ёсць загінуўшыя і параненыя.

Раней пераходны ўрад спыніў дзеянне канстытуцыі і працу парламента на тры месяцы. Таксама новыя ўлады збіраюцца аддаць суду ўсіх, хто, на іх думку, "датычны да злачынстваў супраць народа" рэспублікі.