Апазіцыя Сірыі мае намер стварыць урад на пераходны перыяд

Сірыйская апазіцыя аб'явіла аб стварэнні ўрада на пераходны перыяд, які будзе доўжыцца, як мяркуецца, 18 месяцаў. За гэты час плануюць распрацаваць новую Канстытуцыю. Пра гэта заявіў лідар Нацыянальнай кааліцыі сірыйскай апазіцыі Хадзі аль-Бахра.

Пакуль незразумела, хто ўзначаліць пераходны ўрад, але прэзідэнт ЗША ўжо заявіў аб намерах узаемадзейнічаць з апазіцыяй Сірыі ў працэсе пераходу ўлады. Таксама прамы канал сувязі з кіраўніцтвам сірыйскай узброенай апазіцыі падтрымлівае Іран. Да намаганняў па дасягненні стабільнасці і захаванні тэрытарыяльнай цэласнасці краіны заклікалі Дамаск улады Кітая, Індыі, Катара, Егіпта.

А вось Ізраіль адкрыў новы фронт - ЦАХАЛ прасунуўся за межы буфернай зоны ў раёне Галанскіх вышынь упершыню за паўстагоддзя. Пры гэтым ВПС Ізраіля нанеслі каля сотні ўдараў па тэрыторыі краіны. Таксама каля 75 цэляў атакавалі амерыканскія ўзброеныя сілы. Паражоныя лагеры і баевікі групоўкі ІДІЛ.