Армія абароны Ізраіля атакавала аб'екты "Хезбалы" на поўдні Лівана

Адбылася новая серыя авіяўдараў па Ліване. Армія абароны Ізраіля атакавала аб'екты руху "Хезбала" ў раёне горада Цір на поўдні краіны.

Як заявілі ізраільскія ваенныя, былі ліквідаваны некалькіх камандзіраў групоўкі, у тым ліку кіраўнік ракетнага падраздзялення. Ліванскія ўлады паведамілі ўсяго аб шасці загінуўшых і дзясятках пацярпелых.

Таксама ЦАХАЛ нанёс удары па прыгарадзе Бейрута, там, паводле іх звестак, пад грамадзянскімі будынкамі знаходзіліся тайнікі са зброяй "Хезбалы". У самой групоўцы гэтыя звесткі назвалі хлуснёй.

У адказ на атаку Ізраіля Ліван запусціў ракеты: выбухі былі зафіксаваны ў горадзе Цфаце. Рэгіён на мяжы пачатку поўнамаштабнай вайны. Дзяржсакратар ЗША Блінкен заклікаў бакі выбраць шлях дыпламатыі.

Прэзідэнт ЗША Байдэн адхрысціўся ад дзеянняў Ізраіля, заявіўшы, што Злучаныя Штаты загадзя не былі пра іх апавешчаныя. Ён таксама даручыў у выпадку неабходнасці адкарэктаваць расстаноўку амерыканскіх сіл на Блізкім Усходзе. Штаты раней накіравалі ў рэгіён дадатковыя знішчальнікі, авіяносную групу, крэйсеры і эсмінцы.