Белы дом рыхтуе для Украіны пакет узбраенняў на 725 млн долараў

Пакет узбраенняў на 725 мільёнаў долараў рыхтуе для Украіны адміністрацыя Байдэна.

Як паведамляе Reuters, у яго могуць увайсці міны, беспілотнікі, ракеты Stinger і боепрыпасы для сістэм HIMARS

Паводле слоў афіцыйных асоб ЗША, у адміністрацыі ўсё яшчэ застаецца больш як 6,5 млрд долараў, якія дазваляюць Міністэрству абароны перадаваць Украіне зброю і абсталяванне з уласных запасаў. Аднак выкарыстаць іх Белы дом можа проста не паспець да ўступлення ў пасаду Трампа.

Раней паведамлялася, што Байдэн дазволіў адпраўляць на Украіну проціпяхотныя міны.