Беспарадкі ў Сербіі - Вучыча спрабуюць адхіліць ад улады

У буйных гарадах Сербіі мінулай ноччу працягнулі палаць беспарадкі.

Антыўрадавыя актывісты разграмілі будынак пракуратуры ў горадзе Валева: паліцэйскія спрабавалі абараніць дзяржустанову ад вандалаў, але тыя прарваліся, прымяняючы піратэхніку. Пацярпелі дзясяткі паліцэйскіх, паведамляецца пра шматлікія затрыманні.

Сутыкненні з паліцыяй ахапілі таксама Бялград, Нові-Сад і іншыя населеныя пункты.

На днях прэзідэнт краіны Аляксандр Вучыч абвясціў, што не плануе змяняць канстытуцыю і гатовы пакінуць пасаду пасля заканчэння сваёй другой кадэнцыі, гэта значыць, у 2027 годзе. Аднак удзельнікаў беспарадкаў гэта не спыніла: яны дабіваюцца неадкладнай адстаўкі.

Раней, каменціруючы беспарадкі, кіраўнік венгерскага МЗС Сіярта заявіў: менавіта Еўрасаюз фінансуе антыўрадавыя пратэсты і спрабуе зрынуць законную ўладу ў Сербіі. Прычым у небяспецы знаходзяцца таксама Венгрыя і Славакія.

Фота РІА Навіны