Больш за 3 тыс. мігрантаў з Мексікі пешшу накіраваліся да мяжы ЗША

Да мяжы ЗША накіраваўся чарговы караван мігрантаў з Мексікі. У калоне з больш чым 3 тыс. чалавек - у асноўным жанчыны і дзеці.

Шукаюць лепшага жыцця, але надзея ўсё прывідней. Калі Трамп зойме пасаду, ён закрые праграму прадастаўлення прытулку. Гэта ўжо чацвёртае "паломніцтва" з моманту інаўгурацыі новага прэзідэнта Мексікі.

ЗША ў апошнія месяцы фіксуюць рэкордныя паказчыкі нелегальнай міграцыі. Амерыканскія пагранічнікі называюць гэта "вар'яцкай" спробай трапіць у Штаты, пакуль Байдэн яшчэ займае сваю пасаду.