Дональд Трамп зоймецца памілаваннем людзей, якія штурмавалі Капітолій у 2021 годзе

Дональд Трамп поўны рашучасці заняцца палітыкай адмены рашэнняў папярэдніх уладаў -  новаабраны амерыканскі прэзідэнт у першы ж дзень знаходжання на пасадзе кіраўніка дзяржавы мае намер памілаваць асуджаных па справе аб штурме Капітолія. 

Трамп не выключыў, што памілаваны будуць нават тыя, хто прызнаў віну, у тым ліку ў нападзе на паліцэйскіх. Па словах палітыка, у іх не было выбару. Акрамя таго, Трамп лічыць, што на тых, хто прызнаў віну, быў аказаны націск.

Паводле звестак СМІ, у выніку беспарадкаў 6 студзеня 2021 года не менш чым 1,5 тыс. чалавек былі вынесены абвінавачанні, з іх больш за 600 чалавек прыгавораны да пазбаўлення волі - тэрміны ад некалькіх дзён да 22 гадоў. Зараз каля 250 чалавек знаходзяцца пад вартай.